“Çoxmillətli Murman” konfransında Azərbaycanın tarixi və mədəniyyəti haqqında məruzə dinlənilmişdir
Bakı, 7 aprel (AZƏRTAC). Murmansk dövlət vilayət kitabxanasında “Çoxmillətli Murman” adlı elmi-praktiki konfrans keçirilmişdir. Konfransda Azərbaycanı, Estoniyanı, Belarusu və Moldovanı təmsil edən tələbələr və yuxarı sinif şagirdləri öz ölkələrinin tarixinə və mədəniyyətinə həsr olunmuş təqdimat xarakterli məruzələrlə çıxış etmişlər.
Tədbirdə Azərbaycan haqqında kitablar və fotoalbomlar, Azərbaycanın tanınmış şair, yazıçı və alimlərinin əsərləri nümayiş etdirilmişdir.
Konfransın sonunda İ.İ.Mesyatsev adına Murmansk dəniz balıqçılıq kollecinin direktoru Valentin Juk tədbirdə çıxış edənlərin hər birinə təşəkkürnamələr və kitablar təqdim etmişdir.
Bölmənin digər xəbərləri
