DÖRDÜNCÜ TURDA DA DÜNYA KOMANDASI AZƏRBAYCAN YIĞMASI ÜZƏRİNDƏ QƏLƏBƏ QAZANMIŞDIR
Bakı, 8 may (AZƏRTAC). “ÜNS” Yaradıcılıq Səhnəsində təşkil olunmuş beynəlxalq şahmat turnirində dördüncü turun da görüşləri başa çatmışdır.
Bu turda Azərbaycan yığma komandasının üzvlərindən Vüqar Həşimov Aleksey Şirovla, Rauf Məmmədov isə Vişvanatan Anandla heç-heçə oynamışlar. Təəssüf ki, Teymur Rəcəbov Serqey Karyakinə, Şəhriyar Məmmədyarov isə Vladimir Kramnikə məğlub olmuşdur.
Beləliklə də, 4 turdan sonra dünya komandası Azərbaycan komandasına 10:6 hesabı ilə qalib gəlir.
Bölmənin digər xəbərləri
