Dünya azərbaycanlıları 20 Yanvar şəhidlərinin xatirəsini yad edəcəklər
Bakı, 18 yanvar (AZƏRTAC). Diasporla İş üzrə Dövlət Komitəsindən AZƏRTAC-a bildirmişlər ki, dünyanın müxtəlif ölkələrində yaşayan soydaşlarımız 20 Yanvar faciəsinin 21-ci ildönümü ilə əlaqədar anma mərasimləri keçirəcək, şəhidlərin xatirəsini yad edəcəklər. Onlar təşkil edəcəkləri tədbirlər vasitəsilə 20 Yanvar faciəsi haqqında yaşadıqları cəmiyyəti, digər xalqların diaspor təşkilatlarını məlumatlandıracaq, bu qanlı hadisənin mahiyyəti barədə materialları icma və birliklərimizin nəzdində fəaliyyət göstərən media orqanlarında işıqlandırılmasını təmin edəcəklər.
20 Yanvar faciəsi ilə bağlı Rusiya, Ukrayna, Belarus, Baltikyanı ölkələr, Fransa, Hollandiya, İngiltərə, Almaniya, ABŞ, Türkiyə, Orta Asiya, Yaxın və Uzaq Şərq ölkələrində “dəyirmi masa”lar, konfrans və dinləmələr təşkil olunacaqdır.
Bölmənin digər xəbərləri
