DÜNYA ÇEMPİONATINDA AZƏRBAYCANI ÜÇ ŞAHMATÇIMIZ TƏMSİL EDİR
Liviyanın paytaxtı Tripolidə keçirilən kişilər arasında dünya şahmat çempionatında Azərbaycanı ən adlı-sanlı qrossmeysterlərimiz - Teymur Rəcəbov, Şəhriyar Məmmədyarov və Qədir Hüseynov təmsil edirlər. Gənclər, İdman və Turizm Nazirliyinin mətubat xidmətindən AZƏRTAC-a bildirmişlər ki, mükafat fondu 1,5 milyon ABŞ dollarından çox olan çempionatda dünyanın 56 ölkəsindən 128 şahmatçı, o cümlədən 109 qrossmeyster iştirak edəcəkdir.
Turnir olimpiya sistemi üzrə keçirilir. İyunun 19-da başlanan birinci mərhələdə T.Rəcəbov B.Mateuşla (Polşa), Ş.Məmmədyarov V.Neverovla (Ukrayna), Q.Hüseynov isə C.Veskovi (Braziliya) ilə görüşürlər.
Bölmənin digər xəbərləri
