“Ekol Mühəndislik Xidmətləri” QSC-də tullantıların idarə olunması beynəlxalq standartlara uyğun həyata keçirilir
Bakı, 10 fevral (AZƏRTAC). “Ekol Mühəndislik Xidmətləri” Qapalı Səhmdar Cəmiyyətində (QSC) ətraf mühitin mühafizəsi sahəsində görülən tədbirlərdən biri də istehsalat fəaliyyəti nəticəsində formalaşan xüsusi tullantıların idarə olunması və utilizasiyasıdır. Xüsusi tullantılar sırasına istifadəsi başa çatmış avtomobil şinləri, akkumulyatorlar, lüminessest lampalar, məişət elektrik cihazları, katriclər, printerlər, faks aparatı üçün lentlər və s. daxildir.
QSC-dən AZƏRTAC-a verilən məlumata görə, hazırda utilizasiya məqsədi ilə ötən il QSC-nin istehsalat sahələrində formalaşmış xüsusi tullantıların Azərbaycan Respublikası Dövlət Neft Şirkətinin Ekologiya İdarəsinin Qaradağ rayonunda yerləşən tullantılar mərkəzinə təhvil verilməsinə başlanılmışdır.
Tullantıların idarə olunması, anbarlara yığılması, xüsusi konteynerlər və nəqliyyat vasitəsilə daşınması İSO 14001 standartlarına tam uyğun olaraq həyata keçirilir.
Bölmənin digər xəbərləri
