“Ekol Mühəndislik Xidmətləri” QSC-nin fəaliyyəti KİV-in diqqət mərkəzindədir
Bakı, 8 fevral (AZƏRTAC). “Ekol Mühəndislik Xidmətləri” Qapalı Səhmdar Cəmiyyəti (QSC) “Ekologiya ili” çərçivəsində respublikada, xüsusilə Abşeron yarımadasında ekoloji vəziyyətin yaxşılaşdırılması sahəsində bir sıra uğurlu prioritet layihələr həyata keçirmiş və ətraf mühitin mühafizəsinə töhfəsini vermişdir.
QSC-dən AZƏRTAC-a verilən məlumata görə, ötən il qurumun həyata keçirdiyi aktual ekoloji layihələr barədə “İki sahil”, “Respublika” qəzetlərində, “Caspian Energy”, “Business Time”, “Contact”, “Consaltinq and Business” və “İmpact Azerbaijan” jurnallarında məqalələr dərc edilmişdir. QSC-nin www. ekol.az rəsmi saytında təşkilatın fəaliyyət sahələrini əhatə edən 130-dək informasiya yerləşdirilmişdir. Prioritet fəaliyyət sahələri haqqında xəbərlər Azərbaycan Dövlət Teleqraf Agentliyi (AZƏRTAC), Trend və digər informasiya agentliklərinin rəsmi internet saytlarında əksini tapmışdır.
Respublikamızın “Azərbaycan Televiziya və Radio Verilişləri” QSC, ANS, “Xəzər TV” və ATV televiziya kanallarında QSC-nin fəaliyyət sahələrini əks etdirən animasiya filmləri və videoçarxlar da nümayiş etdirilmişdir.
Bölmənin digər xəbərləri
