Ekologiya və təbii sərvətlər naziri Avropa Nazirlər Şurasının üzvü seçilmişdir
Bakı, 14 fevral (AZƏRTAC). Azərbaycanın ekologiya və təbii sərvətlər naziri Hüseynqulu Bağırov Avropa Nazirlər Şurasının ətraf mühit bölməsi üzrə üzvü seçilmişdir.
Nazirlikdən AZƏRTAC-a bildirmişlər ki, Ümumdünya Səhiyyə Təşkilatının Avropa regional bürosunun direktoru Suzanna Jeykob və Birləşmiş Millətlər Təşkilatının Avropa İqtisad Komissiyasının Baş Katibinin müavini Jan Kubişin imzası ilə nazirliyə məktub daxil olmuşdur.
Məktubda bildirilir ki, BMT-nin Avropa İqtisad Komissiyasının Ekoloji Siyasət üzrə Komitəsinin ötən il noyabrın 2-dən 5-dək Cenevrə şəhərində keçirilən 17-ci sessiyasında Belarus, Rumıniya və Türkiyənin nazirləri ilə yanaşı, Azərbaycan naziri də Avropa Nazirlər Şurasının üzvü seçilmişdir.
Eyni zamanda, məktubda Nazirlər Şurasının birinci iclasının 2011-ci ilin aprel ayında keçirilməsi də qeyd olunmuşdur.
Bölmənin digər xəbərləri
