Ekologiya və təbii sərvətlər naziri Mingəçevirdə vətəndaşları qəbul edəcək
Bakı, 14 dekabr, AZƏRTAC
Ekologiya və təbii sərvətlər naziri Hüseyn Bağırov dekabrın 23-də saat 10:00-da Mingəçevir şəhərində yerləşən Heydər Əliyev Mərkəzində vətəndaşlar üçün qəbul keçirəcək.
Nazirliyin mətbuat xidmətindən AZƏRTAC-a bildirilib ki, qəbulda Mingəçevirlə yanaşı, Ağdaş, Yevlax, Goranboy və Naftalan rayonları sakinlərinin müraciətlərinə baxılacaq, lazımi tədbirlər görüləcək.
Vətəndaşlardan qeydiyyatdan keçmək üçün [email protected] və [email protected] elektron poçt ünvanları, Ekologiya və Təbii Sərvətlər Nazirliyinin “Qaynar xətt”i (168), həmçinin Mingəçevir şəhəri 8 saylı ərazi ekologiya və təbii sərvətlər şöbəsi (telefonlar: 024-27-4-68-98, 050-675-14-24, 050-287-06-22) ilə əlaqə saxlamaları xahiş olunur.
Bölmənin digər xəbərləri
