Ekoloji qanunvericiliyin tələblərini pozan müəssisə rəhbəri 4800 manat cərimələnib
Bakı, 30 may, AZƏRTAC
Ekologiya və Təbii Sərvətlər Nazirliyinin “Qaynar xətt”inə Xətai rayonu, Şahin Səmədov küçəsində tullantıların yandırılması ilə bağlı daxil olan şikayəti nazirliyin əməkdaşları araşdırıblar.
Nazirliyin mətbuat xidmətindən AZƏRTAC-a bildirilib ki, araşdırma zamanı tullantıların həmin ərazidə fəaliyyət göstərən “Üzeyir 2” müəssisəsi tərəfindən atılaraq yandırıldığı müəyyən edilib.
Faktla bağlı müəssisənin rəhbəri İldırım Salmanov barəsində akt və protokol tərtib edilib və o, İnzibati Xətalar Məcəlləsinə əsasən vəzifəli şəxs qismində 4800 manat məbləğində cərimə olunub.
Bölmənin digər xəbərləri
