Əlcəzairin Azərbaycandakı səfiri ölkəsinin paracüdo üzrə beynəlxalq turnirdə yarışacaq komandasını ziyarət edib
Bakı, 24 may, AZƏRTAC
Əlcəzairin Azərbaycandakı səfiri xanım Səlimə Abdelhak Azərbaycanda keçiriləcək paracüdo üzrə beynəlxalq Qran-Pri yarışında iştirak etmək üçün Bakıya gələn ölkəsinin yığma komandasını ziyarət edib.
Əlcəzair səfirliyindən AZƏRTAC-a bildiriblər ki, diplomat və səfirliyin əməkdaşları milli komandanı yarışda qələbəyə ruhlandırmaq üçün onlara dəstək ifadə ediblər.
Qeyd edək ki, baş məşqçi Belarbi Lahouari Nadirin rəhbərlik etdiyi Əlcəzair milli komandası Bakıya mayın 20-də gəlib. Qran-Pri yarışında milli komandanın heyətində dörd kişi və bir qadın idmançı - Paralimpiya və dünya çempionu Lamri Sid Ali (66 kq, kapitan), Meskine Mehdi (73 kq), Ouldkouider Ishak (60 kq), Radjai Youcef (81 kq), Abdellaoui Cherine (52 kq) mübarizə aparacaqlar.
Xatırladaq ki, mayın 25-26-da Bakıda keçiriləcək paracüdo üzrə beynəlxalq Qran-Pri yarışında 38 ölkədən 200 idmançı iştirak edəcək.
Bölmənin digər xəbərləri
