Erlinq Holann 65 avro cəriməyə görə həbs oluna bilər
Bakı, 23 noyabr, AZƏRTAC
İngiltərənin "Mançester Siti" klubunun futbolçusu Erlinq Holann həbs oluna bilər.
AZƏRTAC xarici mətbuata istinadən xəbər verir ki, norveçli hücumçu 65 avro cəriməyə görə azadlıqdan məhrum edilmə təhlükəsi ilə üz-üzədir.
24 yaşlı forvard ötən il İsveçrənin Vaadt kantonunda yol hərəkəti qaydalarını pozduğu üçün cərimələnib. Bir ildir cəriməni ödəməyən futbolçu İsveçrəyə gedəcəyi halda, 1 günlük həbs olunacaq.
Qeyd edək ki, Erlinq Holann "Mançester Siti"də illik 20 milyon avro maaş alır.
Bölmənin digər xəbərləri
