Estoniyanın “Raadio 4” radiosu “Azərbaycanın səsi” verilişində ölkəmiz barədə söz açılacaqdır
Tallinn, 30 noyabr (AZƏRTAC). Estoniyanın “Raadio 4” radiosunun dekabrın 1-də yerli vaxtla 19:35-də efirə çıxacaq “Azərbaycanın səsi” silsiləsindən verilişində ölkəmiz barədə söz açılacaqdır. Aparıcılar Sənəm Əliyeva və Olqa Olo Azərbaycanın şəhərlərinə səyahəti davam etdirəcəklər. Son xəbərlər səslənəcək, milli musiqi alətlərindən danışılacaqdır.
Aparıcılar Londonda Azərbaycan xalçaları sərgisi barədə məlumat verəcəklər. Radiodinləyicilər studiyanın yeni qonaqları ilə tanış olacaq, Qədim Şərqin Romeo və Cülyettası ilə görüşmək üçün əsrləri aşacaqlar.
Zeynal Ağazadə
AZƏRTAC-ın xüsusi müxbiri
Tallinn
Bölmənin digər xəbərləri
