Faktiki hava: Quba rayonu ərazisindən axan çaylardan sel keçib
Bakı, 12 iyun, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Xidmətini iyunun 12-nə olan məlumatına əsasən, bəzi yerlərdə şimşək çaxıb, arabir yağış yağıb, dağlıq və dağətəyi rayonlarda leysan xarakterli intensiv olub. İyunun 12-si gecə və səhər yağıntılarda fasilə olub.
Xidmətdən AZƏRTAC-a verilən məlumata görə, düşən yağıntının miqdarı Gədəbəydə 33, Daşkəsəndə 13, Qubada 10, Lerik, Qrız, Şahbuz, Şərur, Balakən, Şəki, Qusar, Xaltan, Lənkəran, Astara, Şuşada 4 millimetrədək olub.
Leysan yağış nəticəsində iyunun 11-i saat 16:10-da Quba rayonu ərazisindən axan Vəvələçay-Təngəaltıdan, saat 16:30-da isə Qaraçay-Rük, Vəlvələçay-Afurcadan sel keçib.
Biləsuvar, Şərur, Lerikdə duman müşahidə olunub.
İyunun 11-də havanın temperaturu iqlim normasından 3.8° yuxarı olub. Belə ki, havanın maksimal temperaturu Bakıda və Abşeron yarımadasında 30-35° isti, Naxçıvan Muxtar Respublikasında 32°-dək isti, dağlıq rayonlarda 23-27° isti, aran rayonlarında 35°-dək isti təşkil edib.
Bölmənin digər xəbərləri
