Fevralın 6-da hava meteohəssas insanlar üçün əlverişsiz olacaqdır
Bakı, 3 fevral (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, fevralın 4-də Bakıda və Abşeron yarımadasında hava şəraitinin buludlu olacağı, gündüz arabir açılacağı, əsasən yağmursuz keçəcəyi gözlənilir. Mülayim cənub-qərb küləyi əsəcəkdir.
Havanın temperaturu gecə 2 dərəcə şaxtadan müsbət 1 dərəcəyədək yüksələcək, gündüz müsbət 5-7 dərəcə olacaqdır.
Azərbaycanın regionlarında hava şəraitinin əsasən yağmursuz keçəcəyi, gecə və səhər bəzi yerlərdə duman olacağı gözlənilir. Cənub-qərb küləyi əsəcək, arabir güclənəcəkdir.
Havanın temperaturu gecə 3 dərəcə şaxtadan müsbət 2 dərəcəyədək, gündüz müsbət 5-8 dərəcə, dağlarda gecə müsbət 7-12 dərəcə, gündüz 2 dərəcə şaxtadan müsbət 3 dərəcəyədək yüksələcəkdir.
Yaxın 2 gün ərzində Abşeron yarımadasında meteoroloji amillərin zəif və mülayim dəyişiklikləri meteohəssas insanlar üçün nisbətən müsbət hava şəraiti kimi qiymətləndirilsə də, fevralın 6-da atmosfer təzyiqinin kəskin enməsi fonunda güclü gilavar küləyi ürək-damar xəstəlikləri olan meteohəssas insanlar üçün əlverişsizdir.
Bölmənin digər xəbərləri
