FHN: Araz çayında batdığı ehtimal olunan şəxsin axtarışları davam etdirilir VİDEO
Bakı, 9 iyun, AZƏRTAC
İyunun 7-də Araz çayının İmişli rayonunun Rəsullu kəndi ərazisindən keçən hissəsində batdığı ehtimal olunan 2009-cu il təvəllüdlü Turan Mirağa oğlu Mirişlinin axtarışları Fövqəladə Hallar Nazirliyi (FHN) tərəfindən davam etdirilir.
Bu barədə AZƏRTAC-a FHN-in mətbuat xidmətindən məlumat verilib.
Qeyd olunub ki, nazirliyin Xüsusi Riskli Xilasetmə və Kiçikhəcmli Gəmilərə Nəzarət və Sularda Xilasetmə Dövlət xidmətlərinin qüvvələri tərəfindən axtarışlar vətəndaşın batdığı ehtimal edilən istiqamətlər üzrə fasiləsiz həyata keçirilir.
Bu barədə əlavə məlumatın veriləcəyi bildirilib.
Bölmənin digər xəbərləri
