FIFA referilərimiz UEFA seminarında iştirak edəcəklər
Bakı, 25 avqust, AZƏRTAC
Azərbaycanın FIFA referiləri Əliyar Ağayev və Elçin Məsiyev UEFA seminarında iştirak edəcək.
AZƏRTAC AFFA-nın rəsmi saytına istinadən xəbər verir ki, Ə.Ağayev sentyabrın 3-dən 6-dək İsveçrənin Cenevrə şəhərində Avropa futbol qurumunun ən yaxşı hakimlər üçün təşkil etdiyi 2023/2024 yay kursuna qatılacaq. Seminara Elit və Birinci dərəcəli hakimlər arasından seçilmiş referilər dəvət edilib.
Toplantının əsas UEFA-nın əvvəlki mövsümdəki oyunlarının təcrübəsini öyrənmək, yeni mövsüm üçün əsas təlimatlarla tanış olmaq və iştirakçıların fiziki hazırlıq səviyyəsini yoxlamaqdır.
E.Məsiyev isə 29-31 avqust tarixlərində UEFA-nın baş ofisində “UEFA Talant və Mentor” proqramında iştirak edəcək.
Bölmənin digər xəbərləri
