FİFA reytinqində geriləmə
Bakı, 7 aprel, AZƏRTAC
Bu gün milli komandaların FİFA reytinqi açıqlanıb.
AZƏRTAC xəbər verir ki, siyahıda planetin 209 komandası yer alıb. Martda baş tutan seçmə və yoxlama oyunlarının nəticələrinin də əksini tapdığı cədvəldə ciddi dəyişikliklər baş verib. Bu, Azərbaycan millisindən də yan keçməyib.
Belə ki, Antalyada baş tutan yoxlama oyununda Qazaxıstana 0:1 hesabı ilə uduzan Robert Prosineçkinin komandası 22 pillə geriləyib. Ötən ay 112-ci olan yığmamız, hazırda 134-cü pilləyə yuvarlanıb. Bu mövqeni Svazilend yığması bölən millimiz ən çox geriləyən 3 komanda arasında yer alır. Aruba 24, KXDR 18 pillə aşağı düşdüyündən komandamız dünyanın ikinci uğursuzudur. Millimiz bir məğlubiyyət üzündən 27 xal itirib. Azərbaycan yığmasının xal hesabı 296-dan 269-a qədər azalıb. Bunun nəticəsində Qayana, Fələstin, Tanzaniya kimi ölkələr də bizi arxada qoyub.
Bölmənin digər xəbərləri
