Fransanın cənubunda daşqınlar nəticəsində həlak olanların sayı 13 nəfərə çatıb VİDEO
Bakı, 15 oktyabr, AZƏRTAC
Fransanın cənubunda yerləşən Od departamentində daşqınlar nəticəsində həlak olanların sayı 13 nəfərə çatıb.
AZƏRTAC xarici KİV-lərə istinadla xəbər verir ki, Fransa Daxili İşlər Nazirliyinin yaydığı məlumata görə, Pezan kommunasında su bəndinin dağılması riski ilə əlaqədar minə yaxın insanın təxliyə olunub. “Enedis” elektrik təminatı kompaniyası Od və Ero departamentlərində azı 8 min istifadəçinin elektriksiz qaldığını bildirib.
Regionun bəzi rayonlarına bir neçə saat ərzində üç aylıq yağıntı norması düşüb. Sürəti saatda 100 kilometrə çatan və su axınına mane olan küləklər də daşqınların güclənməsinə səbəb olub.
Hazırda təbii fəlakətdə zərər çəkən ərazilərdə aparılan xilasetmə əməliyyatlarında 8 helikopter, həmçinin yüzlərlə yanğınsöndürən və polis iştirak edir. Baş nazir Eduar Filipp və ekologiya naziri Fransua de Rüjinin vəziyyəti qiymətləndirmək üçün regiona səfər edəcəkləri bildirilir.
Bölmənin digər xəbərləri
