Füzuli sakini: İnanıram ki, şəhid qardaşımın ruhu şaddır
Bakı, 18 mart, AZƏRTAC
Doğma yurda qayıdışın sevincini yaşayırıq. Bu sevinci bizə yaşatdığına görə Prezident İlham Əliyevə təşəkkürümü bildirirəm. Allah Ordumuzu qorusun, qazilərə can sağlığı versin, şəhidlərimizin ruhu şad olsun. Mənim qardaşım İslam Əliyev də Birinci Qarabağ müharibəsində şəhid olub. İnanıram ki, onun ruhu bu gün şaddır.
AZƏRTAC xəbər verir ki, bu fikirləri Füzuli şəhərinə qayıdan keçmiş məcburi köçkün Məleykə Bağırova söyləyib.
"Sevinirəm, bu gün övladımla birgə yurduma gedirəm. Artıq orada yaşayacağam. Bundan böyük xoşbəxtlik ola bilərmi? Mən təsəvvür edə bilmirəm", - deyə o vurğulayıb.
Bölmənin digər xəbərləri
