GƏLƏN İL “QAZPROM” AZƏRBAYCANA 2,75 MİLYARD KUBMETR QAZ GÖNDƏRƏCƏK

25.12.2003 [17:49]
Çap et
A⁺ A^-

AZƏRTAC-ın Moskva müxbirinin “Qazprom” Açıq Səhmdar Cəmiyyətinin mətbuat mərkəzindən aldığı xəbərə görə, bu rəqəm Rusiyanın qaz inhisarçısının “Qazeksport” törəmə müəssisəsinin Bakıda ARDNŞ ilə imzaladığı sazişdə nəzərdə tutulur. Mətbuat mərkəzində, həmçinin bildirmişlər ki, 2005-2008-ci illərdə həmin rəqəm ildən-ilə artırılaraq, 4 milyard kubmetrə çatdırılacaqdır.

Güman edilir ki, “Qazprom” Azərbaycana, əsasən, Rusiyanın öz yanacağını göndərəcəkdir. Lakin o da istisna deyil ki, qazın bir hissəsi “Qazprom”un və Qazaxıstanın “KazMunayQaz” konserninin müştərək müəssisəsi olan “KazRosQaz” şirkətinə məxsus yataqlardan vurulacaqdır.

Ekspertlərin məlumatına görə, Azərbaycan hər il 4,5 milyard kubmetrədək qaz alır. Çünki ölkədə qaz hasilatı ildə 5-6 milyard kubmetr, illik daxili tələbat 7-8 milyard kubmetrdir.

“Qazprom”un nümayəndələri demişlər ki, “Azərbaycan olduqca böyük qaz ehtiyatlarına malikdir və bir neçə ildən sonra “mavi yanacaq” ixrac etməyə başlayacaqdır”.

GƏLƏN İL “QAZPROM” AZƏRBAYCANA 2,75 MİLYARD KUBMETR QAZ GÖNDƏRƏCƏK

MÜƏLLİFLƏ ƏLAQƏ

Bölmənin digər xəbərləri