Gənc hakimlərimiz Avropa Həndbol Federasiyasının seminarına qatılacaqlar
Bakı, 4 aprel, AZƏRTAC
Təmsilçilərimiz Ləman Həmidova ilə Aydan Hüseynova Avropa Həndbol Federasiyasının gənc hakimlər üçün təşkil etdiyi seminara dəvət alıblar.
Azərbaycan Həndbol Federasiyasının mətbuat xidmətindən AZƏRTAC-a bildiriblər ki, Azərbaycan Yüksək Liqasının hakimləri aprelin 5-dən 12-dək Çexiya paytaxtı Praqada keçiriləcək seminara qatılacaqlar.
Yeniyetmələr arasında beynəlxalq turnir çərçivəsində təşkil olunacaq seminarda fərqlənən hakimlər EHF-in növbəti seminarlarında iştirak hüququ qazanacaqlar.
Qeyd edək ki, beynəlxalq seminar fiziki testlər, oyun qaydaları və hakimlik metodikası üzrə keçiriləcək.
Bölmənin digər xəbərləri
