Gənc həmvətənimizin gələcəkdə çempion titulu qazanacağını bildirirlər
Moskva, 7 dekabr (AZƏRTAC). Gənc həmvətənimiz, Moskvadakı 1104 nömrəli orta məktəbin ikinci sinif şagirdi Nihad Gözəlov həmyaşıdları və yuxarı sinif şagirdlərinin rayonlararası “Nəsillərin görüşü” şahmat turnirinin qalibi olmuşdur. Turnir Moskva şəhəri Konkovo rayonunun şəhərdaxili bələdiyyə təhsil şöbəsi tərəfindən təşkil olunmuşdur.
Nihad Gözəlov bütün rəqiblərinə qalib gələrək birinci yeri tutmuş və fəxri fərmanla təltif olunmuşdur. Yarışların sonunda rayonun idman və asudə vaxt üzrə baş mütəxəssisi Lyudmila Şekurova çıxış edərək Nihadı rayonunun fəxri adlandırmışdır. L.Şekurova xatırlatmışdır ki, gənc azərbaycanlı artıq bu il Cənub-Qərb İnzibati dairəsi məktəbləri arasında keçirilmiş şahmat turnirində birinci yeri tutmuşdur.
Qeyd etmək lazımdır ki, müəllimlər və şahmat üzrə eskpertlər Nihad Gözəlovun gələcəkdə çempion olacağını, onun analitik ağla və riyazi qabiliyyətə malik olduğunu bildirirlər.
Bölmənin digər xəbərləri
