“GƏNCLƏR TERROR ƏLEYHİNƏ” İNTERNET AKSİYA KEÇİRİLƏCƏK
Bakı, 30 mart (AZƏRTAC). Martın 31-də Gənclər və İdman Nazirliyində “Gənclər terror əleyhinə” internet aksiyasına start veriləcək.
Nazirlikdən bildirmişlər ki, Avropa Şurası, Avropa Parlamenti, BMT-nin müxtəlif strukturları, nüfuzlu beynəlxalq təşkilatlar, xarici ölkələrin parlament üzvləri və diplomatik korpusun nümayəndələri, beləliklə 15000-dən çox elektron poçt sahibi Azərbaycanlı gənclərin göndərəcəkləri məktublarda 1918-ci ilin 31 mart tarixində ermənilər tərəfindən Azərbaycan ərazisində məqsədyönlü şəkildə həyata keçirilmiş kütləvi terror əməliyatları barədə məlumatlar əldə edəcəklər.
Xatırladaq ki, artıq 3 ildir ki, martın 31-də həmin internet aksiya keçirilir.
Bu il keçirilən aksiyaya Bakı Dövlət Universiteti, Dövlət Pedaqoji Universiteti, Dövlət İqtisad Universiteti, Azərbaycan Texniki Universiteti, Dövlət Neft Akademiyası və Azərbaycan Turizm İnstitutunun tələbələri, müxtəlif gənclər təşkilatlarının üzvləri qoşulacaqlar.
Bölmənin digər xəbərləri
