Günbəgün möhkəmlənən Azərbaycan-Özbəkistan qardaşlıq münasibətləri hər bir azərbaycanlı üçün qürurvericidir - ŞƏRH
Qərbi Azərbaycana Qayıdış ismi birləşməsi bizə durun gedək, ay camaat, durun Dərələyəzə, Alagözə, Qarakilsəyə, Puşgaha gedək deyir!
Yazıçı Mişel Taler 233 səhifəlik roman yazıb və işin heyrətamiz tərəfi o idi ki, həmin romanda bir dənə də feil yox idi
Bakı, 20 iyun, AZƏRTAC
Azərbaycan ilə Özbəkistan - iki dost, qardaş ölkə arasında 2024-2026-cı illər üçün mədəni-humanitar əməkdaşlıq üzrə Yol xəritəsi imzalanıb, bu gün də sənaye, ticarət, nəqliyyat, tikinti, kənd təsərrüfatı və təhsil sahələrində tərəfdaşlıq yüksək səviyyədə davam etdirilir. Qarşılıqlı Mədəniyyət günləri təşkil olunur, incəsənət sahəsində birgə layihələr və tədbirlər gerçəkləşdirilir.
Ötən ilin mayında Özbəkistanın paytaxtı Daşkənddə “Qərbi Azərbaycana qayıdış” mövzusunda Türk Dünyası Sammitinin keçirilməsi, Azərbaycanın Özbəkistandakı səfirliyinin və onun nəzdindəki Heydər Əliyev adına Azərbaycan Mədəniyyəti Mərkəzinin təşkilatçılığı ilə Nizami adına Daşkənd Dövlət Pedaqoji Universiteti və Daşkənd Pedaqogika və İqtisadiyyat İnstitutunun tələbələri, magistrləri üçün “Qərbi Azərbaycana qayıdış” şüarı ilə “Azərbaycan xalqının Qərbi Azərbaycanda yaratdığı maddi-mədəni və ədəbi irs” mövzusunda mühazirələrin təşkil edilməsi, Qərbi Azərbaycanla bağlı həqiqətlərin yayılması, tarixi ədalətin bərpası və soydaşlarımızın hüquqlarının müdafiəsi istiqamətində müxtəlif tədbirlərin həyata keçirilməsi özbək xalqının Böyük Qayıdış siyasətinə dəstəyinin göstəricisidir.
AZƏRTAC xəbər verir ki, bu fikirləri Prezident təqaüdçüsü, “Qərbi Azərbaycan milli-mədəni inkişaf” İctimai Birliyinin təsisçisi Seyid Aynur söyləyib.
S.Aynur deyib ki, qardaş Özbəkistanın Qərbi Azərbaycan İcmasının öz yurdlarına sülh yolu ilə, təhlükəsiz və ləyaqətli şəkildə qayıdış səylərinə dəstək göstərməsi olduqca qürurvericidir.
“Prezident İlham Əliyev çıxışlarının birində belə demişdir: “Qərbi Azərbaycan bizim tarixi torpağımızdır, bunu bir çox tarixi sənədlər təsdiqləyir, tarixi xəritələr təsdiqləyir, bizim tariximiz təsdiqləyir. Ancaq əfsuslar olsun ki, ermənilər Qarabağdakı kimi, Qərbi Azərbaycanda da bizim bütün tarixi, dini abidələrimizi yerlə-yeksan ediblər, dağıdıblar, azərbaycanlıların tarixi irsini silmək istəyiblər, ancaq buna nail ola bilməyiblər. Çünki tarix var, sənədlər var, xəritələr var”.
Yer üzündə bircə qulağı olan yeganə heyvan olan dəvədəlləyi kimi, Ermənistan dövləti də ölkə və təşkilatlara ünvanlanan 128 bəyanatı, Qərbi Azərbaycan İcmasının mötəbər qurum kimi beynəlxalq aləmdə qəbul edilməsi, İcmanın təşəbbüsü ilə BMT-nin rəsmi sənədləri kimi yayılmış 10-a yaxın sənədin mövcudluğu faktını üzünü gah o tərəfə, gah bu tərəfə çevirməklə özünü karlığa qoyur.
Ermənilərin dəfələrlə soyqırımına məruz qoyduqları azərbaycanlıların mədəni, milli, eyni zamanda, siyasi hüquqları bərpa edilməli, vurulmuş maddi və mənəvi zərər ödənilməli, viran olunmuş torpaqlarımızın yenidən dirçəldilməsi, bununla bağlı təzminatların verilməsi kimi onlarla məsələ beynəlxalq hüquq müstəvisində öz həllini tapmalıdır”, - deyə o əlavə edib.
Bölmənin digər xəbərləri
