Hava şəraitində mühüm dəyişiklik gözlənilmir
Bakı, 20 dekabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, dekabrın 21-də ölkə ərazisində hava əsasən yağmursuz keçəcəkdir.
Bakıda havanın temperaturu gündüz 13-15, gecə 5-7, Naxçıvanda gündüz 16-18, gecə 0-2 dərəcə, aran bölgəsində gündüz 15-17, gecə 4-6, dağlıq zonada gündüz 10-12, gecə 2-4 dərəcə olacaqdır.
Yaxın 3 gün ərzində Abşeron yarımadasının hava şəraitində mühüm dəyişiklik gözlənilmir. Meteoroloji amillərin zəif və mülayim dəyişiklikləri meteohəssas insanlar üçün əsasən əlverişli olacaqdır.
Bölmənin digər xəbərləri
