HƏRBİ İDMAN ÇOXNÖVÇÜLÜYÜ ÜZRƏ ÖLKƏ ÇEMPİONATI BAŞA ÇATMIŞDIR
Göyçay, 26 mart (AZƏRTAC). Gənclər və İdman Nazirliyinin təqvim planına uyğun olaraq Göyçay şəhərində təşkil olunan hərbi idman çoxnövçülüyü üzrə ölkə çempionatı martın 25-də başa çatmışdır.
Yarışda 19 şəhər və rayondan 350-ə yaxın idmançı, o cümlədən 15 qız mükafatlar uğrunda mübarizə aparmışdır. Yeniyetmə və gənclərin iştirak etdiyi çempionatda qaliblər 24 çəki dərəcəsində müəyyənləşdirilmişdir.
Milli yığma komandanın heyətini formalaşdırmaq və apreldə Ukraynada keçiriləcək dünya çempionatına hazırlıq məqsədi daşıyan ikigünlük yarışda ilk üç yeri tutan idmançılara diplom və medallar təqdim olunmuşdur. Ümumi komanda hesabında Göyçay, Ucar, Goranboy və Bakı idmançıları müvafiq olaraq I-IV yerləri tutmuşlar.
Bölmənin digər xəbərləri
