Pekin, 3 sentyabr, AZƏRTAC

Hindistanın cənubundakı Telanqana və Andhra Pradeş ştatlarında 3 gündür yağan şiddətli yağışların törətdiyi fəsadlar 27 nəfərin ölümünə səbəb olub.

AZƏRTAC Hindistan mediasına istinadla xəbər verir ki, bu barədə ölkənin fəlakətlərlə mübarizə mərkəzi açıqlama yayıb. Avqustun 31-də başlayan leysan yağışları bir neçə yaşayış məntəqəsində sel və daşqın yaradıb. Nəticədə evlər, inzibati binalar, avtomobil və dəmir yolları su altında qalıb. Çaylarda və su anbarlarında suyun səviyyəsi təhlükəli həddi keçib. Minlərlə sakin təxliyə edilərək, çadırlara yerləşdirilib.

Leysan səbəbindən 100-dən çox qatar reysi ləğv edilib.

Şahin Cəfərov

AZƏRTAC-ın xüsusi müxbiri

Pekin