ELM VƏ TƏHSİL
Hökumətlərarası Təqaüd Proqramları çərçivəsində 29 əcnəbi Azərbaycanda təhsil alacaq




Bakı, 25 sentyabr, AZƏRTAC
2023–2024-cü tədris ili üzrə 29 nəfər Hökumətlərarası Təqaüd Proqramları (HTP) çərçivəsində Azərbaycan ali təhsil müəssisələrində təhsil hüququ qazanıb.
Elm və Təhsil Nazirliyindən AZƏRTAC-a bildirilib ki, Çin Xalq Respublikasından 18 nəfər, Macarıstandan 2 nəfər, Qazaxıstandan 6 nəfər, Tacikistandan 3 nəfər Azərbaycanda təhsil imkanı əldə edib.
Tələbələr ADA Universiteti, Azərbaycan Dillər Universiteti, Azərbaycan Dövlət İqtisad Universiteti, Azərbaycan Dövlət Neft və Sənaye Universiteti, Azərbaycan Memarlıq və İnşaat Universiteti, Azərbaycan Texniki Universiteti, Azərbaycan Tibb Universiteti, Bakı Dövlət Universiteti, Bakı Slavyan Universitetində bakalavriat, magistratura, doktorantura səviyyələrində humanitar və sosial, təhsil, tibb, iqtisadiyyat və idarəetmə, mədəniyyət və incəsənət ixtisasları üzrə təhsil alacaqlar.