İki kapitan, iki yubiley matç
Bakı, 16 dekabr, AZƏRTAC
Azərbaycan Premyer Liqasının XVII turu iki futbolçunun ölkə çempionatında 350-ci oyununu keçirməsi ilə əlamətdar olub.
AZƏRTAC xəbər verir ki, “Qarabağ”ın müdafiəçisi Maksim Medvedev “Qəbələ” (1:0), “Sumqayıt”ın arxa xətt oyunçusu Vurğun Hüseynov “Səbail”lə qarşılaşmada (2:0) yubileyini qeyd edib. Hər iki kapitan 350-ci görüşünü doğma meydanda keçirib. Bununla da 1992-ci ildən keçirilən yarışda 350 və daha çox oyuna çıxanların sayı 12-yə çatıb. M.Medvedev və V.Hüseynovadək 10 futbolçu buna nail olub.
Debütü 2006-2007-ci il mövsümünə təsadüf edən M.Medvedev bu müddətdə 12 qol vurub. Otuz üç yaşlı müdafiəçi yalnız “Qarabağ”da forma geyinib. O, bir klubda ən çox oyun keçirən futbolçudur.
İlk oyunu 2005-2006-cı il mövsümünə təsadüf edən V.Hüseynovun hesabında 10 qol var. Otuz dörd yaşlı müdafiəçi debüt etdiyi “Turan” və indi şərəfini qoruduğu “Sumqayıt”dan başqa “Qəbələ”də də çıxış edib.
Bölmənin digər xəbərləri
