İKT sahəsində karyera imkanları müzakirə olunacaq
Bakı, 24 may, AZƏRTAC
Mayın 26-sı saat 10:00-da “WorldSkills Azerbaijan” platforması “İKT sahəsində karyera imkanları” mövzusunda canlı yayım təşkil edəcək.
Peşə Təhsili üzrə Dövlət Agentliyindən AZƏRTAC-a bildirilib ki, onlayn tədbirdə İKT sahəsində inkişaf arzulayan gənclərə tövsiyələr olunacaq, lazımi resurslar və bu sahəyə olan ümumi maraq müzakirə ediləcək. İKT sahəsinin ölkəmizdəki cari vəziyyəti haqda da söhbət açılacaq.
Agentliyin feysbuk səhifəsi üzərindən təşkil olunan canlı yayımın qonaqları internet texnologiyaları üzrə mütəxəssis Vahid Qasımov və “Solidshape” şirkətinin qurucusu, kompüter mühəndisi Tural Bədirxanlı olacaq
AZƏRTAC-0-
Bölmənin digər xəbərləri
