İlya Darçiaşvili: Azərbaycan və Gürcüstan regionun inkişafı üçün birgə layihələr həyata keçirəcək
Tbilisi, 16 mart, AZƏRTAC
Azərbaycan və Gürcüstanın hökumət başçılarının görüşündə ikitərəfli münasibətlərin daha da dərinləşdirilməsi və möhkəmləndirilməsi məsələləri diqqət mərkəzində olub.
AZƏRTAC xəbər verir ki, bunu Gürcüstanın xarici işlər naziri İlya Darçiaşvili bildirib.
` Baş nazir İrakli Kobaxidzenin Bakıda azərbaycanlı həmkarı Əli Əsədovla görüşünü şərh edən Darçiaşvili deyib ki, söhbət zamanı ölkələrimiz arasında strateji tərəfdaşlığın inkişaf perspektivləri müzakirə olunub, mövcud əlaqələrin daha da dərinləşdirilməsinin və möhkəmləndirilməsinin vacibliyi vurğulanıb.
Onun sözlərinə görə, dünyada çox strateji rola malik olan regionumuzun daha da inkişaf edə bilməsi üçün bir çox regional, o cümlədən, Şərqlə Qərbi bir-biri ilə təbii və effektiv şəkildə əlaqələndirmək üçün birgə layihələr həyata keçirmək vacib əhəmiyyət daşıyır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
