İspaniya mətbuatı “Qarabağ” komandasından yazıb
Madrid, 3 may, AZƏRTAC
İspaniya mətbuatı “Qarabağ” komandasının Azərbaycan Premyer Liqasının qalibi olması haqqında yazıb.
Yazıda “Qarabağ”ın oyunçusu, İspaniyanın Kanar adalarından olan Dani Kintananın Azərbaycan çempionu olması xüsusi uğur kimi qeyd edilib.
Məqalədə deyilir ki, “Zirə” klubunu 2:0 hesabı ilə məğlub edən “Qarabağ”ın çempionluğunu rəsmiləşdirdiyi matçda Dani Kintana da bir qol vurub. Eyni zamanda, onun uğurlu çıxışı qabardılaraq çempionatın ən yaxşı bombardirlərindən olması vurğulanır. Yazıda o da bildirilir ki, “Qarabağ” komandasının bu il Azərbaycan Kubokuna sahib olmaq şansları da qalmaqdadır.
Aygün Əliyeva
AZƏRTAC-ın xüsusi müxbiri
Madrid
Bölmənin digər xəbərləri
