İstintaq təcridxanasına narkotik maddə keçirilməsinin qarşısı alınıb
Bakı, 11 mart, AZƏRTAC
Ədliyyə Nazirliyi Penitensiar xidmətinin əməliyyat aparatının həyata keçirdiyi əməliyyat-axtarış tədbirləri nəticəsində 3 saylı istintaq təcridxanasına narkotik maddə keçirilməsi cəhdinin qarşısı alınıb.
Xidmətin ictimaiyyətlə əlaqələr şöbəsindən AZƏRTAC-a bildiriblər ki, Cinayət Məcəlləsinin 29.177.2.1-ci və 29.177.2.3-cü maddələrinə əsasən həbs edilmiş Quliyev Əli Məhərrəm oğlu ilə qısamüddətli görüşə gəlmiş qardaşı Bakı şəhər sakini Quliyev Rafiq Məhərrəm oğlunun gətirdiyi sovqata və üzərinə baxış keçirilən zaman cibində olan siqaret qutusunda gizlədilmiş bükülülərdə 0,546 qram narkotik maddə - heroin və 0,232 qram psixotrop maddə - metamfetamin aşkarlanıb.
Faktla bağlı araşdırma aparılır.
Bölmənin digər xəbərləri
