İsveçdə Novruz bayramına həsr olunmuş sərgi təşkil olunmuşdur
Bakı, 19 mart (AZƏRTAC). İsveçdə fəaliyyət göstərən “Birlik” təşkilatı Stokholm şəhərinin kitabxanasında Novruz bayramına həsr olunmuş sərgi keçirmişdir.
Diasporla İş üzrə Dövlət Komitəsindən AZƏRTAC-a bildirmişlər ki, sərgidə İsveçdə yaşayan azərbaycanlıların Novruz bayramına dair rəsm və əl işləri nümayiş olunmuşdur. Yerli ictimaiyyəti Azərbaycan mədəniyyəti ilə daha yaxından tanış etmək məqsədi ilə burada Novruz bayramının tarixi və onun qeyd edilməsinə dair məlumatlar da yerləşdirilmişdir.
Sərgi bir həftə davam edəcəkdir.
Bölmənin digər xəbərləri
