KANADADA YAŞAYAN SOYDAŞLARIMIZ DAHA BİR LAYİHƏNİ HƏYATA KEÇİRMƏYƏ BAŞLAMIŞDIR
Kanadadakı Azərbaycan Mədəniyyət və Təhsil Mərkəzindən bildirmişlər ki, mərkəzin rəqs qrupu layihə çərçivəsində Toronto şəhər bələdiyyəsinin Yaşlılar Evində Koreya folklor qrupu ilə birlikdə konsert vermişdir. Tədbirdə qocalar evinin sakinləri ilə birlikdə bələdiyyə rəsmiləri, müxtəlif diaspor təşkilatlarının və ictimaiyyətin nümayəndələri iştirak etmişlər. Yüzlərlə tamaşaçı Azərbaycan və Koreya musiqilərini alqışlarla qarşılamışdır. Azərbaycanlıların bu addımı Kanadada fəaliyyət göstərən diaspor təşkilatları arasında əlaqələrin inkişafına yönəlmiş addım kimi qiymətləndirilmişdir.
Kanada Azərbaycanlıları Assosiasiyaları Federasiyasının icraçı direktoru Əkbər Məcidov demişdir ki, qloballaşan dünyada dövlətlərin və millətlərin yaxınlaşması, bir-birini yaxından tanıması zərurəti yaranmışdır. Bu işdə musiqi və təhsil ən mühüm vasitələrdir. Ona görə də federasiya “Daha çox dialoq - daha çox dost” adlı layihə həyata keçirir. Ümid edirik ki, bu cür tədbirlər Azərbaycan mədəniyyətinin, musiqisinin tanıdılması ilə yanaşı, diaspor təşkilatlarımız arasında əlaqələrin inkişafında və xalqlarımızın yaxınlaşmasında da mühüm rol oynayacaqdır.
Bölmənin digər xəbərləri
