“KƏLAĞAYI” İPƏK MƏRKƏZİ YARADILMIŞDIR

24.12.2003 [11:45]
Çap et
A⁺ A^-

Azərbaycan “İnkişaf” Elm Mərkəzinin təşəbbüsü və Yaponiya səfirliyinin maliyyə yardımı ilə İsmayıllı rayonunun Basqal qəsəbəsində “Kəlağayı” İpək Mərkəzi yaradılmışdır. İpəkçilik, misgərlik, dəmirçilik kimi qədim sənətləri yaşadan sənətkarları ilə məşhur olan Basqalda belə bir mərkəzin açılışı əsl bayrama çevrilmişdi. Tədbirdə rayon icra hakimiyyətinin, Yaponiya səfirliyinin nümayəndələri, Şəkidən dəvət olunmuş ipəkçilər iştirak etmişlər.

Mərkəzin direktoru Nizami Məmmədov AZƏRTAC-ın müxbirinə bildirmişdir ki, qəsəbə sakinlərinin məşğulluğunun təminatında mühüm rol oynayacaq müəssisədə hazırda 17 nəfər toxucu çalışır. Köhnə sexləri modernləşdirməklə xeyli əlavə iş yerləri açılacaqdır. Hazırda bu istiqamətdə tədbirlər görülür ki, bu da rayonda işsizlik probleminin aradan qaldırılmasında mühüm rol oynayacaqdır.

“KƏLAĞAYI” İPƏK MƏRKƏZİ YARADILMIŞDIR

MÜƏLLİFLƏ ƏLAQƏ

Bölmənin digər xəbərləri