Komitə sədri Astarada vətəndaşların müraciətini dinləyib
Astara, 11 aprel, İlkin Adıyev, AZƏRTAC
Ailə, Qadın və Uşaq Problemləri üzrə Dövlət Komitəsinin sədri Bahar Muradova Astara rayonunda vətəndaşların müraciətini dinləyib.
AZƏRTAC-ın bölgə müxbiri xəbər verir ki, qəbuldan əvvəl Ümummilli Lider Heydər Əliyevin abidəsi ziyarət olunaraq önünə gül dəstələri qoyulub, əziz xatirəsinə dərin ehtiram bildirilib.
Astara rayon Heydər Əliyev Mərkəzində keçirilən qəbulda Lənkəran şəhərindən, həmçinin Lerik və Astara rayonlarından olan sakinlər iştirak ediblər.
Dövlət Komitəsinin aidiyyəti struktur bölmələri rəhbərlərinin də iştirakı ilə keçirilən görüşdə vətəndaşların müxtəlif mövzularda müraciətləri dinlənilib.
Mövzular əsasən hüquqi yardım, işlə təmin olunma və digər mövzularla bağlı olub.
Qəbul zamanı qurumun fəaliyyət istiqamətlərinə uyğun olan müvafiq müraciətlər cavablandırılıb, qaldırılan bəzi məsələlərin yerindəcə həlli ilə bağlı tədbirlər görülüb, həlli araşdırma tələb edən məsələlərlə bağlı yazılı müraciət qeydə alınaraq aidiyyəti şöbələrin icraatına göndərilib.
Qeyd edək ki, görüş mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən keçirilib.
Bölmənin digər xəbərləri
