KOMPLEKS AVTOMATLAŞDIRILMIŞ MUZEY MƏLUMAT SİSTEMİ PROQRAMININ TƏTBİQİNƏ BAŞLANILACAQDIR
AZƏRTAC xəbər verir ki, Dövlət Musiqi Mədəniyyəti Muzeyində Kompleks Avtomatlaşdırılmış Muzey Məlumat Sistemi (KAMIS) proqramının tətbiqinə başlanmışdır.
Bu, 40 minə yaxın muzey eksponatını asanlıqla axtarıb tapmaq imkanı yaradacaqdır. Sistemin köməyi ilə nadir eksponatların 717-si artıq proqrama salınmışdır. Ölkə muzeyləri arasında bu axtarış sistemi ilk dəfə məhz burada tətbiq olunmuşdur.
Gələcəkdə digər muzeylər də həmin texnologiyadan yararlana biləcəklər.
Mütəxəssislərimiz bu sistemi öyrənmək üçün bir həftə təcrübə keçmişlər. Onlara müvafiq sertifikatlar təqdim olunmuşdur.
“KAMIS” sistemindən Rusiyada 300-dən artıq muzey istifadə edir.
Bölmənin digər xəbərləri
