Kubanda təbii fəlakət qurbanlarının sayı 6 nəfərə çatıb VİDEO
Bakı, 26 oktyabr, AZƏRTAC
Rusiyanın Kuban regionunda leysan yağışları səbəbindən baş verən daşqınlar nəticəsində həlak olanların sayı 6 nəfərə çatıb.
AZƏRTAC TASS informasiya agentliyinə istinadla xəbər verir ki, Rusiya Fövqəladə Hallar Nazirliyi, həmçinin təbii fəlakət nəticəsində 3 nəfərin xəsarət aldığını, 1 nəfərin isə itkin düşdüyünü bildirib. Daşqınlardan zərər çəkən rayonlarda yaşayan 270 nəfər, o cümlədən 48 uşaq müvəqqəti sığınacaqlara yerləşdirilib.
Güclü leysan yağışlarından sonra Krasnodar diyarında 30 yaşayış məntəqəsi su altında qalıb, bir neçə körpü dağılıb, avtomobil və dəmir yollarına zərər dəyib, qatarların hərəkəti dayanıb. Təbii fəlakət səbəbindən su, elektrik və qaz təminatında fasilələr yaranıb. Krasnodar diyarının ərazisində fövqəladə vəziyyət rejimi tətbiq edilib.
Bölmənin digər xəbərləri
