Kür çayının Qıraqkəsəmən məntəqəsində hidroloji ölçmə işləri aparılmışdır
Bakı, 18 aprel (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentinin mütəxəssisləri Kür çayının Qıraqkəsəmən məntəqəsində gursululuq dövrü ilə əlaqədar hidroloji ölçmə işləri aparmışlar.
Nazirliyin mətbuat xidmətindən AZƏRTAC-a bildirmişlər ki, bunun üçün məntəqədə quraşdırılmış tamasaların hündürlükləri bir daha yoxlanılmış, su sərfini təyin etmək üçün çayın eni, dərinlikləri və sürəti ölçülmüşdür.
Nəticələrə əsasən Qıraqkəsəmən məntəqəsində suyun səviyyəsi 426 santimetr, sərfi isə saniyədə 812 kubmetr (ongünlük normanın 109 faizi) olmuşdur.
Bölmənin digər xəbərləri
