Lionel Messi PSJ klubunu tərk etməyə yaxındır
Bakı, 4 aprel, AZƏRTAC
Lionel Messi cari mövsümün sonunda PSJ klubunu tərk edə bilər.
AZƏRTAC “L'Équipe” nəşrinə istinadla xəbər verir ki, argentinalı hücumçu Paris klubunun heyətində yalnız məvacibinin azaldılmasına razılaşacağı halda qala bilər.
Messinin atası və PSJ-nin prezidenti Nasser Al-Xelaifi müqavilənin uzadılması şərtlərini razılaşdırmağa çalışsalar da, ortaq məxrəcə gələ bilmirlər.
Mənbənin məlumatına görə, Messi “Barselona”ya qayıtmaqda maraqlıdır. Lakin Kataloniya klubu hələ argentinalı hücumçu ilə bağlı PSJ-yə rəsmi təklif göndərməyib.
Messi bu mövsüm PSJ-nin heyətində Fransa çempionatında 24 oyuna çıxıb, 13 qol vurub və 13 məhsuldar ötürmə edib. Onun klubla müqaviləsi bu mövsümün sonunda başa çatır.
Bölmənin digər xəbərləri
