“LUÇ” MƏDƏNİYYƏT XADİMLƏRİ ASSOSİASİYASI FƏALİYYƏT DAİRƏSİNİ GENİŞLƏNDİRİR
Bakı, 26 fevral (AZƏRTAC). “Luç” mədəniyyət xadimləri assosiasiyası Azərbaycanın bölgələrində yaradıcılıq gecələri keçirəcəkdir. Milli Məclisin deputatı, yazıçı-publisist Elmira Axundova assosiasiyanın yubiley tədbirində bildirmişdir ki, artıq bu barədə bölgələrdə ölkəmizin icra strukturları ilə razılıq əldə olunmuşdur. Onlar tədbirin keçirilməsi üçün zəruri olan şəraiti yaradacaqlar.
E.Axundovanın sözlərinə görə, ilk tədbir Lənkəranda nəzərdə tutulmuşdur. Yaradıcılıq gecəsində buradakı yazıçıların əsərləri ilə tanışlıq əsas müzakirə mövzusu olacaqdır.
Bölmənin digər xəbərləri
