Masallı meşələrində ziyanvericilərin çoxalmasının qarşısı alınmışdır
Bakı, 25 may (AZƏRTAC). Ekologiya və Təbii Sərvətlər Nazirliyinin (ETSN) mütəxəssisləri Masallı Meşə Mühafizəsi və Bərpası Müəssisəsinin xidməti ərazisində palıd ağaclarında aşkarlanmış ziyanverici həşəratlara qarşı kimyəvi mübarizə tədbirləri görmüşlər.
Nazirliyin mətbuat xidmətindən AZƏRTAC-a bildirmişlər ki, Amerikadan Avropaya, oradan da Rusiya ərazisinə keçən və ildə bir dəfə nəsil verən karantin ziyanvericisi “Dəyişik ipəksarıyan”ın tırtılları, aprelin 20-dən sonra yumurtadan çıxaraq meşə sahəsinə sürətlə yayılmağa başlayır. Həşəratlar ağacların gövdəsinə daraşaraq cavan yarpaqları yeməklə onları çılpaqlaşdırır.
ETSN-in mütəxəssisləri xaricdən gətirilmiş preparatlardan və çiləyici aparatlardan istifadə etməklə qısa müddətdə ziyanvericilərin çoxalmasının və daha geniş ərazilərə yayılmasının qarşısını almışlar.
Hazırda ərazi nəzarət altındadır.
Bölmənin digər xəbərləri
