MDB Oyunları: Azərbaycan voleybol millisi növbəti oyununu keçirib
Gəncə, 4 oktyabr, AZƏRTAC
III MDB Oyunlarında 17 yaşadək voleybolçu oğlanlar arasında növbəti oyunlar keçirilib.
AZƏRTAC xəbər verir ki, günün ilk qarşılaşması Belarus və Özbəkistan yığma komandaları arasında baş tutub. Görüş Belarus millisinin 3:1 hesablı qələbəsi ilə yekunlaşıb. Ardınca meydançaya Azərbaycan və Rusiya milli komandaları çıxıb. Bu qarşılaşmada isə 3:0 hesabı ilə Rusiya seçməsi qalib gəlib.
Qeyd edək ki, Azərbaycan millisi növbəti oyununu oktyabrın 6-da Belarus millisinə qarşı keçirəcək.
Bölmənin digər xəbərləri
