MƏDƏNİYYƏT VƏ İNCƏSƏNƏT XADİMLƏRİNƏ MÜKAFATLAR TƏQDİM OLUNMUŞDUR

19.03.2004 [13:32]
Çap et
A⁺ A^-

AZƏRTAC-ın müxbiri bildirir ki, Mədəniyyət Nazirliyində yubileyləri ilə əlaqədar Azərbaycanın bir qrup mədəniyyət və incəsənət xadiminə (əməkdar artistlər Ceyran Haşımova-70, Valeh Kərimov-60, Valentina Qasımova-70, NurəddinTağıyev-60, Davud Zöhrabov- 75, Kamal Seyidov-70) nazirliyin Fəxri fərmanları və pul mükafatlarının təqdimat mərasimi keçirilmişdir.

Mərasimdən əvvəl nazir Polad Bülbüloğlu bildirmişdir ki, hazırda respublikamızın mədəniyyət sahəsində 50 mindən çox adam çalışır. Novruz bayramı ərəfəsində biz bütün qüvvəmizi xalqımız üçün əziz olan bu əlamətdar hadisənin yüksək səviyyədə qeyd edilməsinə yönəltmişik. Çalışacağıq ki, ölkəmizin hər guşəsində Bahar bayramı təntənə ilə keçirilsin.

Sonra nazir mükafatları təqdim etmiş, yubilyarlara cansağlığı və yaradıcılıq uğurları arzulamışdır.