Mərakeşdə qatar qəzası: azı 10 nəfər ölüb, 90 nəfər yaralanıb VİDEO
Bakı, 16 oktyabr, AZƏRTAC
Mərakeşdə sərnişin qatarının relsdən çıxması nəticəsində azı 10 nəfər həlak olub, 90 nəfər isə xəsarət alıb.
AZƏRTAC TASS informasiya agentliyinə istinadla xəbər verir ki, Sky News Arabia telekanalının yaydığı məlumata görə, insident oktyabrın 16-da yerli vaxtla səhər saat 10:50-də (Bakı vaxtı ilə 13:50) Mərakeşin paytaxtı Rabat şəhəri yaxınlığında qeydə alınıb. Qatarın paytaxtın Sale rayonu ilə Kenitra şəhəri arasında yerləşən Buknadel yaşayış məntəqəsi yaxınlığında qəzaya uğradığı bildirilir.
Reuters agentliyi isə öz növbəsində qəza nəticəsində dörd nəfərin öldüyü, onlarla insanın yaralandığı barədə informasiya yayıb.
Bölmənin digər xəbərləri
