Moldovada Heydər Əliyev adına stadion tikiləcəkdir
Bakı, 18 avqust (AZƏRTAC). AZƏRTAC xəbər verir ki, Qaqauziyanın (Moldovanın tərkibində muxtar ərazi qurumu) ikinci böyük şəhəri olan Çadır-Lunqa şəhərində bu ölkənin cənubunda ən iri idman kompleksi tikiləcəkdir. Muxtar qurumun rəhbəri Mixail Formuzal bildirmişdir ki, həmin idman kompleksinə Azərbaycan xalqının ümummilli lideri Heydər Əliyevin adı veriləcəkdir.
16 hektar sahədə yerləşəcək kompleksə 7 min tamaşaçı yeri olan örtülü stadion, üzgüçülük hovuzu, bir neçə idman qurğusu, habelə 200 yerlik müasir mehmanxana daxil olacaqdır.
Kompleksin tikintisi Azərbaycandan olan bir qrup sərmayədar tərəfindən həyata keçiriləcəkdir.
Bölmənin digər xəbərləri
