Narkotik vasitənin təsiri altında motosiklet idarə edən daha bir sürücü həbs edilib
Bakı, 22 mart, AZƏRTAC
Bakı Şəhər DYP İdarəsinin əməkdaşları tərəfindən sürücülük hüququ olmadan, dövlət qeydiyyat nişansız və səkidə piyadaların hərəkətinə maneə yaradan “Minsk” markalı nəqliyyat vasitəsinin sürücüsü Surac İbrahimov saxlanılıb.
Daxili İşlər Nazirliyin Mətbuat xidmətindən AZƏRTAC-a verilən məlumata görə, sürücünün hərəkətləri şübhə doğurduğundan onun tibbi müayinədən keçməsi təmin olunub. Müayinə zamanı S. İbrahimovun narkotik vasitə qəbul etməsi də müəyyən olunub.
Sürücü barəsində İnzibati Xətalar Məcəlləsinin müvafiq maddələrinə əsasən inzibati protokol tərtib edilərək baxılması üçün aidiyyəti məhkəməyə göndərilib.
Məhkəmənin qərarı ilə S. İbrahimov qırx beş gün müddətinə inzibati qaydada həbs edilib.
Bölmənin digər xəbərləri
