Naxçıvan, 14 avqust, AZƏRTAC

Cari ilin yanvar-iyul aylarında muxtar respublikada 195 milyon 799 min 300 manatlıq kənd təsərrüfatı məhsulu istehsal olunub.

Muxtar respublikanın Dövlət Statistika Komitəsinin mətbuat xidmətindən AZƏRTAC-ın Naxçıvan bürosuna bildirilib ki, bunun 99 milyon 807 min 200 manatı bitkiçilik, 95 milyon 992 min 100 manatı isə heyvandarlıq sahəsi üzrə olub.

İstehsal olunmuş kənd təsərrüfatı məhsulu 2023-cü ilin müvafiq dövrü ilə müqayisədə 1,3 faiz artıb.