Naxçıvanda Paralimpiya İdman Festivalı keçiriləcəkdir
Bakı, 2 may, AZƏRTAC
Mayın 12-dən 13-dək Naxçıvan şəhərində ümummilli lider Heydər Əliyevin anadan olmasının 93-cü il dönümü və Milli Paralimpiya Komitəsinin 20 illik yubileyinə həsr olunmuş Paralimpiya İdman Festivalı keçiriləcəkdir.
AZƏRTAC xəbər verir ki, mayın 11-də Milli Paralimpiya Komitəsinin 60 nəfərdən ibarət nümayəndə və idmançı heyəti Naxçıvana yola düşəcəkdir. Paralimpiya İdman Festivalında əlil arabasında idman rəqsi, atletika, qolbol, futzal və boccia idman növləri üzrə ümumilikdə 50-dən çox idmançı iştirak edəcəkdir.
Yarışlara Naxçıvan və İran idmançıları da qatılacaqlar.
Səfər zamanı Naxçıvan şəhərinin tarixi abidələri və muzeylərinə ziyarət də təşkil olunacaqdır.
Bölmənin digər xəbərləri
